ஞானமே வா!

என்னை இந்த உலகிடை

இட்டவன் யார் என்பதை

முன்னறிந்து  சொல்பவர் யார்? என்று

முட்டமுட்டத் தேடுகிறேன், ஞானம்!

ஒத்தை யடிப் பாதையில்

ஒற்றை மர நிழலிலே

’நத்தி நின்றால் போதும்’ என்று    

சொல்லி; யாரும்

நடப்பதனால் வருவதில்லை ஞானம்!

பத்தினியாய் இருப்பவள்,தன்

பதியினோடு வாழ்ந்திடில்

எத்தனைதான் சுகமிருந்த  போதும்;   அதில்

எட்டிவந்து சேர்வதில்லை ஞானம்!

'வெட்டுப்பட்ட புண்ணிலும்

விம்மி நிற்கும் சதையிலும்

கட்டுப்பட்டுப் போன மனம்' என்று; 

அந்த

கவியரசு சொல்லி வைத்த ஞானம்;

கட்டளையை இட்டு அதில்

கட்டி வைத்த ஆசைகள்;

சுட்ட பின்னே தெரிந்திருக்கும் பாடம்; அதைச்   

சூடும்வரை வருதில்லை ஞானம்!

பட்டணத்து வாழ்க்கையில்

பட்டினத்தார் பார்வையில்

ஒட்டிக் கொண்டு இருப்பதில்லை யாரும்; அந்த

உறவுகளில் தெரிவதில்லை ஞானம்!

காதல் என்று காமத்தை

ஓதி நின்று பேசினால்

நீதி என்று ஆவதில்லை, வாழ்வி்ல்;

நிலைத்திருக்க  வருவதில்லை ஞானம்!

அப்பனோடு அம்மையை

அப்பி வைத்த காமத்தைத்

தப்பி வந்து பார்ப்பவர்க்கே தோணும்; அதைத்

தப்ப விட்டால்  தழைப்பதில்லை 

ஞானம்!

                                          

ஞானம் பெற்ற புத்தனும்

ஞானம் அற்ற பித்தனும்

ஞானியர்க்கு ஒன்றுதானே ஆகணும்? - இதை

அறிந்திடாமல் புரிவதில்லை ஞானம்! 

O

தேடும்,

கிருஷ்ணன்பாலா

24.3.2012